namak...

Namak banna chahta hun…


Saaf dhula safed sa

Lehron se lipat ke aaun,

Kinaron pe Dhoop khaun

Moti na sahi lekin Moti sa chamkun,

Kuchh kar dikhana chahta hun…



Uski bhookh ka hissa ban

Sawaar rahun uski zubaan par

Hone ka pata na chale

Par na hone par sab

feeka lagey mere bina

chuchaap uske lahu mein shaamil ho

uski ragon mein daud lagaun

sar se pair tak fail jaun…nazar bhi na aaun

uske har rang mein ghul

khud ko khona chahta hun

namak banna chahta hun



uske zakhmon mein jo galti se bhar jaun

toh aasuon se bhi main hi bahar aaun

mujhe chakhe ya beh jaane de

thodi si jalan reh jaane de

ehsaas hona zaroori toh nahin

bas yun hi kabhi kabhi yaad aana chahta hun

namak banna chahta hun



mera zyada hona khale

toh mere kam hone mein bhi khala hai

na jaane kya junoon ho chala hai

sookha aur khaara

mujhe nami ki kamii hi bhali ho

apni pyaas ko zinda rakh

khud jeena chahta hun

namak banna chahta hun

baadal hai...

mujhe laga wo boondein thi mujhko bhigaane bhar ke liye


sab sametne ki koshish bhi kari

aur sab beh jaane di...

kyunki wo toh baras raha tha zamane bhar ke liye...

mera khaata...

mere khaate se kuchh kam hua jaata hai


lagta hai aajkal

hisaab toh nahin rakha

par haath phira ke dekha hai roz

apni daulat ko jiya hai

khud hi pe kharch kiya hai roz

har dafa kharchun jitna chahe

haath dugna hi aata hai

par na jaane ab kyun lagta hai

mere khaate se kuchh kam hua jaata hai



maangne bhar ki der thi

tumhare naam hi kar deti

par hamare beech mera tumhara kya

jo tumhara hai wohi toh mera hua

yehi haq toh phir ek shaq sa banaata hai

ki mere khaate se kuchh kam hua jaata hai



koi kehta hai "kya lekar aaye the jo kho doge"

tumhara kya gaya jo rote ho?

yeh geeta saar padhe sansaar

hum mayaviyon ko maya se hi pyaar

sacche dil se chaaha hai bas ek baar

toh jitna mila bahut hua

itne pe hi rehne do

yeh jo mera khaata hai....

aaj hai toh kal ka kya...

aaj toh hai par kal ka kya...


kal ka hisaab alag hai

aaj ka jawaab alag hai

aaj ke paas ek wajeh hai

har baat ki jirah hai

zidd hai adey rehne ki

kal ke raaste mein khade rehne ki

hamesha yun hi pade rehne ki

ussey yakeen nahin kal pe

raat ke ferbadal pe

bas chale toh na wo kahin jaaye,

na koi kahin se aaye

beet raha hai kahan maanta hai?

na doobtesooraj ko jaanta hai

paani mein na dikhega aks andhere mein

khud ko kahan payega kal ke savere mein?

ek saaya hai aaj

os ki boondon se dhul jayega

pata bhi na chalega kab kal mein ghul jayega

kuchh yaad rahega kuchh bhool jayega

jo meherbaan hua kal aaj par....

toh kuchh zaroor jhuk jayega,

aur shayad kisi ke liye

kal mein bhi ruk jayega

jhooth kaha tha...

Khud se jhooth kaha tha maine


Mazaak kiya tha

Sach kahun toh uss jhooth ka pal pal jiya tha

Ab bas khwabon ki maut ka ranj hai

Ummeddon ki badduaon ka darr hai

Magar jhooth ki kaunsi lambi umar hai

Yeh toh khudkushi pe aamadaa hai

Yakeen nahin hota

ki kuch der mein dum tod dega

Kis berahmi se mujhe

sach ke rehmokaram pe chhor dega

dhaage ki chooriyan...

dhaage ki chooriyan...




aadhe chaand ne pehni, toh poora gol hua,

inse aadha, kharey soney ka mol hua

maana adhoori hain, par aadhe se poori hain...

ye dhaage ki choorian



khanakti nahin, dhadakti hain...

ragon ke raaste mein atakti hain,

samjhaane se kahan maanti hain,

kehti hain, nabz pehchaanti hain...

ye dhaage ki choorian



haath aise thaame hain,

ab na chhootenge...

saans toot jayegi, dhaage na tootenge...

yun jaane na dengi, uljhaye rakhengi,

khwamkhah jee lagaaye rakhengi,

jhoothi sacchi si, ye dhaage ki choorian...

kambakht khidkian...

कमबख्त खिड़कियाँ करवाती हैं मोहब्बतें,




बादलों से, बारिशों से, तो कभी बूंदों से,



खुली रह जाएँ रात को, तो झाँका करती हैं,



रात भर चाँद को ताका करती हैं





खुद पे ओस की बूँदें चढ़ाए रखती हैं,



सच सवेरा धुन्धलाये रखती हैं



चुपचुपाते सावन के संदेसे लाती हैं



वक़्त बेवक्त हवा के झोंके, भीतर ले आती हैं



कमबख्त खिड़कियाँ...

unhin ki main...

महफ़िल ख़त्म क्या हुई...




वो उठे, चल दिए...



पैमाने खाली कर गए,



बस अपनी मैं से भर गए,



नसीब है...



हम अब तलक ऐसे जिए,



के रोज़ उन्हीं की मैं के जाम पिए...



उनका आना, उनका होना... याद रहा,



उनकी आँख का एक कोना... याद रहा,



वो एक एक लम्हा जैसे ख़त हो गया...



बस एक - आधा ग़म ग़लत हो गया,



शुक्र है धुन्दला दिखाई देता है...



कम सुनाई देता है...



ज़माना दुहाई देता है, पर शुक्र है...



याद नहीं, कब महफ़िल ख़त्म हुई...



वो कब उठे, कब चल दिए

लेकिन अजीब है ये बात, की जब उनके होश ठिकाने हैं,



फिर वो कैसे दीवाने हैं



जो उन्हीं की मैं के जाम पिए

kagaar pe...

पैने चाकू की धार पे


किसी तीर पे तलवार पे

लहरों के गुबार पे

हवाओं के खुमार पे

barasne के aasaar पे

कांच की दीवार पे

मिटटी की दरार पे

bematlab हुए bekaar पे

bujhte हुए deedaar पे

एक आखिरी हुंकार पे

किसी पीर की मजार पे

मैं hun अब ...

कगार पे

pooranmasi...

Wo kehte hain aaj pooranmaasi hai


Chaand poora hua lagta hai

Mujhe toh nahin dikhta

Har khidki se jhaank jhaank dekha hai

Roz ghuma ghuma kar

Ulat palat kar dekha hai

Kahin kahin se kataa hi dikha

Poore se toh ghataa hi dikha

Ek tukda toh mere paas hi raha tha

Diya jab usne khud hi kaha tha

Yeh tera hua aaj se…bas tera…

Phir kaise hua hoga?

Duniya ko toh aadat hai,Wo kya jaanein

maine kitne kareeb se dekha hai jaana hai

Ki wo bheetar se kitna adhoora lagta hai

Par wo kehte hain aaj pooran masi hai

Chaand poora hua lagta hai

bedakhal...

Khamosh, khabardaar


Bahut ho chuki taqraar

Ab diya hai yeh karaar

Bedakhal…

Na honge ab sawaal

Bekaar sab bawaal

Rahe na koi malaal

Bedakhal…

Aawaz mat uthaana

Alfaaz mat sunaana

Ilzaam mat lagaana

Bedakhal…

Ab ashk mat dikhao

phir ishq mat batao

Bas jao chale jao

Bedakhal

Rekhayein kheench lenge

Wo aankhein seench denge

Khud apni meech lenge

Bedakhal

Na sulaah ki ab wajeh ho

Yeh baat ab se tay ho

Ki tum ho abhi se, aaj se

Har pal

bedakhal

zaroori hai...

Thodi takleef honi zaroori hai…


Ek nayi kavita ke janm lene ko

Tees uthni toh zaroori hai

Meri kalam chalti hai in aasuon ki syaahi se

Shabd behte se chale aate hain

Thamte hi nahin, main thamne deti hi nahin

Aansoo namkeen hain, ghao khule hain

Main bharne deti hi nahin

Inki Jalan shayad inki mazboori hai

Thodi taqleef honi zaroori hai



Raat ke andhere se darr lagta hai

Saaye se dikhte hain

Saare ujaale paraye se dikhte hain

Aise mein na Koi haath thaam le,

Na koi mera naam le

Mere andhere mujhe hon mubarak

Acchi Roshni se doori hai

Thodi takleef honi zaroori hai



Ek ehsaan hai tumhara mujh par

Yeh dard zinda hai tumhari badaulat

Umr bhar ke liye

Shukrguzaar hun iss fikar ke liye

Jo aasaan ho jaati rahein meri

Toh kya reh jaata iss lambe safar ke liye?

Aage peechhe ka ab kissey pata,

Nishaan mit-te chale hain toh samjho

gumshuda si raahon mein

khone ki tayyari poori hai

thodi takleef honi zaroori hai



Badal hataa kar dhoop mein khadi hun

Pahadon pe nange paon chadhi hun

Raah chalte jo mila, ussey ladi hun

Bas aise hi aage badhi hun,

Yeh bhi kaafi nahin

Ab bhi bas nahin

Mujhe in zakhmon pe koi taras nahin

Tujhe gila hai mujhse toh tu hi baras kahin

Garaj kahin

Kyunki Mere dard ki pyaas ab bhi adhoori hai,

Thodi takleef honi zaroori hai

saat din...

jaan chhudane mein


peechha hataane mein

saara kiya karaaya mitti mein milaane mein

ussey bas saat din lage mujhe bhulaane mein!

yahan fursat na beeti aansoo bahaane se

rakhe unki tasveer apne sirhaane se

dekha kiye kisi na kisi bahaane se!

yahan humne kiya ailaan e mohabbat saare zamaane mein

wahan zyada nahin unko

bas saat din lage mujhe bhulaane mein

ab kya karein iss toote fasaane ka?

jhoote daraane ka?

intezaar hai shayad

dil tootne ki aawaaz aane ka

ek khel hai dilon ka tootna jodna

phir aisa mazaa kahan vaada nibhaane mein

tabhi toh, unhein

bas saat din lage mujhe bhulaane mein!

ek umar beetti hai sapne sajaane mein

sunte the saat janam lagte hain rishte banaane mein

sacchha dildaar, pyaar pane mein

yahan hum lagey rahe haathon pe henna rachane mein

wahan unka dhyan tha rang bachane mein

hisaab ke pakke hain bahut

bas saat din liye humein bhulaane mein

panchhi udaane mein

raatein jagaane mein

kasmein tudaane meinapne armaan ganga mein bahaane mein

khoon sukhaane mein

yaadein jalaane mein

puraani tasveeron ko teeli dikhane mein

kahin kisi maikhaane mein

khud ko mitaane mein,

lagenge bahut roz shayad.

Aur unhein sirf saat din?

Hamesha wo aage rahe, jeeta kiye

Par iss baar koi gam nahin haar jaane mein………..

khud...

Tujh mein khud ko kho diya hai...


Ab dhoondne se bhi na milne paata hai khud

Kambakht saamne hi nahin aata hai khud

Khud ko talaash karun

Ya tujhe dekhun?

Tujhe dekhti rahun toh nazar aa jaata hai khudbakhud!



Khud ki thitholi se pareshan hun…

Khud kehta hai bhool jao

Yaad dilaata hai khud

Main door jaati hun

Toh wo paas aata hai khud

Aasuon se chidhta hai

Aur rula jaata hai khud!



Khud ko rokun toh kis tarah

Kalam ki syaahi mein baandhti hun…beh jaata hai

Badbadaate na jaane kya kya keh jaata hai

Bhaag bhaag ke har taraf bebas

theek wahin kyun reh jaata hai khud ?



sochti hun khud ki parwah chhod dun

bas ab khud se rishta tod dun

jeete-jee ek kabr mein so jaun

khud ek kafan hi odh lun

dafan hone ki duaen karta hai ek taraf

aur tujhise saansein udhaar lena chahta hai khud !

isiliye tujh mein khud ko kho diya hai...

ab aur kya chahta hai khud?

chaand aaj poora hai...

chaand aaj poora hai..




jaagti aankhein jalti hongi...



roshan khud hai wo jahan bhar mein andhera kar ke



chalo kuchh der mein jagaa denge sawera karke



chaand aaj poora hai kaari badri tarasti hogi saari raat barasti hogi



laakh aanchal mein dhaka nazar bachane ko



chhip chhip ke milta raha wo kaatil zamane ko



chaand aaj poora hai



tootne ki aawazein toh aani hi thi



kahin dil tootenge kahin upvaas



kahin amaavas ki aas kyunki chaand...aaj poora hai



saara aakash adhoora sahi...chaand aaj poora hai

dhuaan...

dhuen mein udaa dene ko apna har hissa aaj




bechain hun



zinda rehkar kuchh kuchh galne ka maza



jaam se seenchi aag ke jalne ka maza



neend ko raat bhar ki sazaa sunaane ko



bechain hun



khayal aaj katra katra nikal rahe hain



shayad dhuen ki garmi se pighal rahe hain



ragon ke khoon mein ravaani si hai



aaj har baat mein kahani si hai



kash lekar gash khaati haqeeqat



kashmakash mein lamhe



uff kya museebat



mohabbat ke maare ashkon ko beh jaate dekh



bebas muskuraane ko



bechain hun

ek os ki boond...

ek os ki boond ho...


na jaane kya kuchh kar guzarne ki khwahish hai

seep se nikalkar moti banne ki khwahish hai

abhi aasmaan khula hai,

zameen paas aa rahi hai

badalon ki taan par

hawa gungunaa rahi hai



neeche ki zameen saaf dhuli si hai

mitti ki khushubuen fizaon mein ghuli si hain

abhi toh aadha safar tay hua hai

yeh jahaan..

upar se bahut chhota dikhta hai

paas aate aate kuchh aur sanwarta hai

par bahut jald takraoge dharti se...sach se

kathor hai.

zara samhalna



maalum hai sarfarosh ho,

apne junoon mein madhosh ho

par raaste mein milenge

aur toofan josh se bhare

rokenge raasta tumhara beech mein khare

tab sirf junoon kaam aayega

issey bacha lena



khud mein badal se kam nahin tum maana

kaandhe pe uthaya hai saara zamana

par os ki boond ho tum

deh na jaana

hawa ke kisi andekhe jhonke mein beh na jana

kuchh bojha ho sake toh baant lo

itna kuchh khud mein samaye na chalo

jo kar liya bahut hai,

aage aur bahut kuchh karna

aasman se zameen tak ke safar mein

tum apna khayal rakhna

court kachehri...

koi kusoor nahin


kisi ka gunaah nahin

zor zabran toh kuchh hua nahin,

phir kyun jaane jee chahta hai, tum par court kachehri kar dun



mukadma chale adaalat ho

katghara ho mujrim ho vaqaalat ho

kaale coat hon, hathaudon ki chot ho

sunwai bhi ho, ruswai bhi ho,

thoda jhooth toh thodi sacchai bhi ho,

geeta ki kasmein hon, rasmein ho, gawahi ho

baaton mein kuchh teri kuchh meri tabahi ho

ek raaz jo khule dooji paheli gehri kar dun

jee karta hai zaalim tum par court kachehri kar dun



daleelein ho par faisla na ho paaye

judge kitna bhi order order chillaye

muqaddma multavi karne ki naubat na aaye

sabooton ko maddenazar rakhte hue bhi

kanoon sachmuch andha ho jaaye...

aise mein sab ek shaam raat dopehri kar dun

jee karta hai zaalim tum par court kachehri kar dun



pesh kiya jaaye usko jiski barson se talaash ho

jo mil ke bichhda ho bas abhi abhi

saamne aaye par mil na paaye kabhi

daaroga ke saath khada ho sar jhukaye

iss par rehem khaun toh khule bandhan ko hathkadi kar dun

jee karta hai zaalim tum par court kachehri kar dun



insaaf ke taraazu ke dono paale barabar hon

saza ki ummeed aur rihai ka darr ho

faansi sunakar kalam tootne ki aawaz aaye

koi yun hi jeete rehne se toh baaz aaye

zindgi na sahi chalo aaj ek maut hi sunehri kar dun

jee karta hai zaalim tum par court kachehri kar dun...

roz...

काश तुम रोज़ भूलो मुझे


और मैं रोज़ याद दिलाऊं,

एक नए सिरे से शुरू हो जिंदगी रोज़

तो एक नई गरिमा से पेचान करवाऊं रोज़



हर मोड़ पर मैं ही मिलूं अचानक

कभी बेबस बेचारी तो कभी शोर मचाती

बस हर जगह मैं ही नज़र आऊं रोज़

काश तुम रोज़ मुझे भूलो

और मैं याद दिलाऊं रोज़



फिर एक बार तुम्हारी aakhein

chuen मेरा astitiv

तुम्हें देखे toh एक pal को dhadakna भूल जाए दिल

पेट में bal padein aakhein jhuk jaayein

तुमको ही अपना aaina banaun रोज़

काश तुम रोज़ मुझे भूलो

और मैं याद दिलाऊं रोज़

तुम्हें lagey की कोई और है

नया है कोई, तुम्हारी talaash का hisaa है कोई

फिर से प्यार कर बैठे हो

तुम्हारी हर talaash में ख़ुद को ही paaun रोज़

काश तुम रोज़ मुझे भूलो

और मैं याद दिलाऊं रोज़



तुम jaano मुझे एक नए सिरे से

एक नई जगह में

और मैं एक नए तुम से मिलूं

तुम्हारे सवालों के रोज़ नए जवाब dhoondhun

तुम्हारे jawabon के लिए नए सवाल banaun रोज़

काश तुम रोज़ मुझे भूलो

और मैं याद दिलाऊं रोज़



तुम्हारी kalpana भी मैं, तुम्हारी कविता भी मैं

हर रचना का आदि अंत मैं

तुम में बसे कवि की aatma में समा जाऊँ

या तुम्हारे khayalon की syaahi में badal jaaun रोज़

तुम्हें कभी paaun तो कभी न paaun

कभी jiyun तो कभी मर jaaun

आज की ही तरह guzar जाऊँ रोज़

काश तुम रोज़ मुझे भूलो

और मैं याद दिलाऊं रोज़